Das Handtuch

In der Sauna, da wird ma gleich heiß
Überall is ållas nåß von sein Schweiß.
Bin a voi mit Sålz und Schlackenreste
weil gestern zuviel g'soff'n håt da Beste!
Der brade Oasch preßt ma å die Luft
Und a Geruch ist då, wia in ana Gruft.
De Füaß stölt er ma direkt ins Gsicht,
Jetzt siech is erst, der håt jå Gicht!
Kennt i net a auf ana Pritsch'n liegen,
Oder nur so mit der Schaukel wiegen.
Na i muaß mit eam in da Sauna schwitzen
Und zuahurch'n bei den blödesten Witzen.
I håb a gnua von dera  Wåschmaschin
Bin scho ganz teppat und hålbert hin.
Und erst die g'schissane Laugen
Hat ma außeg'waschen die Augen
Drum sag i immer wieder nein und nein,
I mechat net länger sei Handtuch sein.
I lägat lieber im Schrank bei Mottenkugeln
Und sechat die Motten sterbend zuckeln.
Sche wa a nur kuscheln in an Wäschekasten,
oder ewig bei de blöden Verwandten rasten.

Na warum håt der Oasch gråd mi gefladat
wo i do a vü liba mit an Madl flirten tatat.

Wolfgang
in Spanien
am 14.2.09