Ein Burgenlandla kommt ausgehungert, nach zweistündiger Fahrt aus Donnerskirchen, in Wien an. Er findet den Weg über die Nordbrücke gleich nach Döbling, genauer gesagt auf die Grinzinger Allee (vormals Wiener Straße) zum Würstelstand mit der schönsten Aussicht, der sich da „Zur-Wurst" nennt. Dem „Koberer", ein echter „Flax'nvadrara" seit 36 Jahren, kam der gerade recht. Da konnte er mit seiner redegewandten Art dem zufällig vorbeikommenden „Ausheimischen" wieder einmal so richtig zeigen, was Sache ist.

Burgenlandla: Griß Goud, i mecha geen a Wuaschd!
Würstelmann: Lieber Herr: „Würscht håb i viele. An Hax'n, a Brennhaße, a Eitrige, a 
Doppelg'söchte, an Aspäna!"
Burgenlandla: Nit sou vül - niar oani
Würstelmann: „Åba welchane?"
Burgenlandla: Na jå - oani, deⁱ wås ban eing ålli eⁱssn.
Würstelmann: „Schaun's, so geht des net. Bei uns ißt a jeda wås ånder's. Da Hr. Walta zum 
Beispü ißt nur mit'bråchte Såch'n und da Burli nur Mannaschnitt'n. Åba die 
meist'n nehmen a Eitrige, wegen da Gustofontän!"
Burgenlandla: Sou! Sou! Wås gangad dou schnö, Moasda?
Würstelmann: „Åiso, schnö geht bei mir går nix! Außadem soll ma si fir's Essen imma Zeit 
nehman, a åm Würstelstånd. Des güt a fir's Burgenland! Da rechts
hängt außerdem eh a Mågenfåhrplan!"
Burgenlandla: Woasd wås - gib ma-r-enta-r-a Bia!
Würstelmann: „Mir ham då vaschiedane Glåswecka l -a Bräu am Berg, a Wieselburger, a 
Hirter"
Burgenlandla: Wås is a "Bräu am Berg?" D'aundan keinad i.
Würstelmann: „Des kummt aus Frånkenmårkt in Obaösterreich, des is a gånz a klane 
Brauerei, då kenn i sogår den Braumasta Hirsch söwa, a klassa Bursch!" Im 
Vertraun: „Es is mei Lieblingshüsn!"
Burgenandla:  Na guid - nåcha gibst ma deⁱs Bia!
Würstelmann: „Wås heißt då: na guad!"- „glauben's ma vielleicht net?"
Burgenlandla: Deⁱs is ma ghupfd wia gschbrunga, schmeⁱka sull's!
Würstelmann: „Då håms an guat'n Griff g'måcht, des is nämli des Billigste!" - „Wolln's a 
Glasl dazu, oder trinkns 's min gånz'n Dreck?"
Burgenlandla: Na gib's umma! Aus da Flåschn dringa bin i schou seid da Gebuad gweind.
Würstelmann: „Sågn's, wo kommen`s denn her?"
Burgenlandla: Aus'n Buagnlaund - va Dunnaskiacha!
Würstelmann: „Wås von Dunnaskiacha?  De<sup>i</sup> s gibt's jo net, duat is mei Vatta gebuan, in da  
Monarchie dåmåls! Dea håd noch zwa Språchn gred - Detsch und Ungarisch,  
des kunnat ma heit wida brauchn! Jå, jå, mei Vata, dea....
Burgnlandla:  (der Bugenländer fällt ihm ins Wort:) „Heans S' - hiaz kimmts ma: I håb jå an 
Hunga!" - „za wölcha Wuaschd dasd ma roudn?
Würstelmann: „A doppeltg'söchte Wåldvirtla wa gråd fertig!"
Burgenlandla: „A Woidpfiadla - jå dou schau hea! Na guid - ibst ma håld die!
Würstelmann: „An G'schissanan, oda an Senftegethoff dazua?"
Burgenlandla: „Wås is deinn de<sup>i</sup>s  schou wida?
Würstelmann: "Also, a G'schissana is a Siaßa und a Tegethoff is vom Mauthner Markhoff, a 
schårfa Senfd!"
Burgenlandla: „An siassn håld!
Würstelmann: "A Krokodü, oda a Fensterlådntröpfla gefällig?"
Burgenlandla: „De<sup>i</sup>s vastee i nid. Tui ma de<sup>i</sup>s ausdeitschn!"
Würstelmann: „No a Ölpfefferoni, oder an Kren!"
Burgenlandla: „A, a Kre<sup>i</sup> schad gwis nid. Åwa enta gibsd ma nou aBia!"
Würstelmann: „So, då is da Blechschädl!" - Woin's an Bims, oder a Beamtenfurölln villeicht 
dazu?"
Burgenlandla: „A Scheazl Brod wa ma schou liawa!"
Würstelmann: „An Bugl, oda an Käu?"
Burgenlandla: „A Scheazl, wan's recht is!"
Würstelmann: „A påår Glasaug'n gib i Ihna no so drauf, weil's aus Donnerskirchen san!"
Burgenlandla: „Aha - asou schan de<sup>i</sup> aus! Wia ban uns die kloan Zwifüln!"
Würstelmann: „Woin's de Wurscht, amål in da Mittn, oder gånz aufg'schnittn håm?"
Burgenlandla: „Asou nid - und asou nid!
Würstelmann: „Wås haast: weda-no?"
Burgenlandla: „I håb gråd af d'Uua gschaud - i håb koa<sup>n</sup> Zeid mea! De<sup>i</sup> s dauad jå ålls vüü 
zlaung! Påck ma de<sup>i</sup> Wiaschdl ei<sup>n</sup>, i iss's wearatn Hoamfoon
Würstelmann: „Soll i Ihna no a Plastikeßzeich dazuagebn?"
Burgelandla:   „De<sup>i</sup>s is ma gleih - tummüln sullst di!
Würstelmann: „Ja, die Wurscht und die zwa Hüsn, måcht z'samm 7,40!"
Burgenlandla: „Dou housd 10 Euro - und måch dar an scheinna Tå! I bin schou we<sup>i</sup>g!"
Würstelmann: „Warten`s, da hätt i no a Stückal frischen Pepihåckalevakaas zum 
Kosten....................jetzt is a weg!"

Nachdem der Burgenlandla gegangen ist, hört man den Würstelverkäufer, indem er sich aus
dem Würstelstand hinauslehnt, noch brummen: „Des san åba grobe Leit, de Donners-kirchna, dastick'n soll a ån den Schlick!"

An dieser Stelle möchte ich mich recht herzlich bei Hr. Franz Hannabauer | er hat gerade ein neues Buch "Kreiz umd zwearigst" | Gedichte und Erzählungen in burgenländischer Mundart, mit einer CD herausgegeben | für diesen Beitrag in der "Donnerskirchner Mundart", bedanken. Da mein Vater in D. geboren ist und auch gelebt hat, bin ich ganz besonders stolz auf diesen Beitrag.