Ein Waldviertler kommt ausgehungert, nach zweistündiger Fahrt aus Litschau, in Wien an. Er findet den Weg über die Nordbrücke gleich nach Döbling, genauer gesagt auf die Grinzinger Allee (vormals Wiener Straße) zum Wüstelstand mit der schönsten Aussicht, der sich da „Zur-Wurst“ nennt. Dem Koberer, ein echter Fla’xnvadrara seit 36 Jahren, kam der gerade recht. Da konnte er mit seiner redegewandten Art dem zufällig vorbeikommenden „Ausheimischen“ wieder einmal so richtig zeigen, was Sache ist.

Waldviertler: „Grias God, gengans, i mechad gearn oa Wuaschd!"
Würstelmann: (ohne zu Grüßen) „Erstens bleib i då und Würscht håb i viele: An Haxn, a Brennhaße, a Eitrige, a Doppelg’söchte, an Aspäna!“
Waldviertler: „ Ned so vüüle, grod oane !“
Würstelmann: „Aba welchane?“
Waldviertler: „ Nau jo oane, de, de bei eng olle essn !“
Würstelmann: „Schaun’s, so geht des net. Bei uns ißt a jeda wås Ånder’s. Da Hr. Walta zum Beispiel ißt nur mit’bråchte Såch’n und da Burli nur Mannaschnitt’n. Åba die meisten nehmen a Eitrige, wegen da Gustofontän!“
Waldviertler: „ So, so! wos gingagd do schnö Moasda ?“
Würstelmann: „Also, schnö geht bei mir går nix! Außerdem soll ma si für’s Essen imma Zeit nehman, a åm Würstelstånd! Da rechts hängt außerdem eh a Mågenfåhrplan!“
Waldviertler: „ Woasd wos, gib ma ehanta a Biia. !“
Würstelmann: „Mir ham då vaschiedane Glåsweckal: A Bräu am Berg, a Wieselburger,a Hirter“
Waldviertler: „ Wos is a Bräu aum Berg, d aundan kennat i ?“
Würstelmann: „Des kummt aus Frånkenmårkt, aus Oberösterreich, des is a gånz a klane Brauerei, då kenn i sogår den Braumasta Hirsch söwa, a klassa Bursch!“ Im Vertraun: Es is mei Lieblingshüsn!
Waldviertler: „Aha!“
Würstelmann: „Wås heißt då Aha, glauben’s ma vielleicht net?“
Waldviertler: „ Nau guad, afta gibsts ma des Biia! !“
Würstelmann: „Då håms an guatn Griff g’måcht, des is nämlich des Billigste!“
Waldviertler: „ Dös is ma ghupfd wia gschbrunga, schmeck sois !“
Würstelmann: „Wolln’s a Glasl dazu, oder trinkns’s min gånz’n Dreck?“
Waldviertler: „ Nau gibs uma, aus da Floscha dringa bin i scho seid da Gebuat gweend .“
Würstelmann: „Sågn’s, wo kommen`s denn her?“
Waldviertler: „ Vom Woipfiadl, aus Litschau kim i .“
Würstelmann: „Wås, aus Litschau, kennan’s durt vielleicht des Tröpfal?“
Waldviertler: „ Jo wos deen, dös is mei Schdaummwiatshaus !“
Würstelmann: „Na des gibt`s do net, da håb i scho öfters Silvester g’feiert. Die håm då a guat’s Papperl durt: Schnitzal,Båckhendal, G’söchts
Waldviertler: „ Heans hiazd kimmds ma, i hon jo an Hunga.. Zua wöchanan Wuaschd dasd ma rodn?
Würstelmann: „A doppeltg’söchte Wåldvirtla wa gråd fertig!“
Waldviertler: „ A Woipfidla, jo do schau hea. Nau guad gibst ma hoid de !“
Würstelmann: „An G’schissanan, oda an Senftegethoff dazua?“
Waldviertler: " Wos is den glei des scho wiida ?"
Würstelmann: “Also, a G’schissana is a Siaßa und a Tegethoff is vom Mauthner Markhoff, a schårfer Senfd!”
Waldviertler: „ An Siassn hoid. !“
Würstelmann: “A Krokodü, oda a Fensterlådntröpfla gefällig?”
Waldviertler: „ Des vaschdee i ned. Dua ma des ausdeitschn! “
Würstelmann: „No a Ölpfefferoni, oder an Kren!“
Waldviertler: „ A, a Kree schodt gwiss ned. Owa ehanta gibsd ma no a Biia !“
Würstelmann: „So, då is da Blechschädl!“ - Woin’s an Bims, oder a Beamtenfurölln villeicht dazu?“
Waldviertler: „ A Scheazl Brod wa ma scho liiaba !“
Würstelmann: „An Bugl, oda an Käu?“
Waldviertler: „ A Scheazl wauns recht is !“
Würstelmann: „A påår Glasaug’n gib i Ihna no so drauf, weil’s aus Litschau san!“
Waldviertler: „ Aha, so schaun de aus! Wia bei uns d kloan Zwiifen !“
Würstelmann: „Woin’s de Wurscht, amål in da Mittn, oder gånz aufg’schnittn håm?“
Waldviertler: „ Weda no !“
Würstelmann: „Wås haast: "weda-no?“
Waldviertler: „ I hob grod auf d Uua gschaud, I hon koa Zeid meea. Des dauad jo ollas vüü zlaung. Pokk ma des Wiaschdl ei, i is wearandn hoamfooan !“
Würstelmann: „Soll i Ihna no a Plastikeßzeich dazuagebn?“
Waldviertler: „ Des is ma gleich, dummen sois de. Wos kosd des Gaunze ?“
Würstelmann: „Ja, die Wurscht und die zwa Hüsn, måcht z’samm 7,40!“
Waldviertler: „ Do hosd 10 Euro und moch da an scheen Dog. Ich pfiad mi hiazd !“
Würstelmann: „ Warten`s, da hätt i no a Stückal frischen Pepihåckalevakaas zum Kosten....................jetzt is a weg!“
Nachdem der Waldviertler gegangen ist, hört man den Würstelverkäufer, indem er sich aus dem Würstelstand hinauslehnt, noch brummen: „Des san åba grobe Leit, de Wåldviertla, dastick’n soll a an den Schlick!“

Diese E-Mail-Adresse ist gegen Spambots geschützt! Sie müssen JavaScript aktivieren, damit Sie sie sehen können.